Mae’r enwog Bryn Teribl yn achosi trafferth. Mae e’n cael pwll o dymer ynghanol y Fatican achos ei fod am gael het fel het ei efell, yr ynfyd Owain Glyndŵr, sef y Pab newydd.
Mae Jeff y gath yn gofyn y cwestiwn nad oes neb am wybod yr ateb iddo.
— ‘Rhoswch am eiliad, ody Owain ‘di câl damwen?
Yr ateb yw: ydy.
O diar.
Dylai’r Pab ddim cael damweiniau ar ei orsedd.
Mae’r cardinaliaid yn ymgasglu o’i gwmpas a thynnu ei het babaidd. Mae Owain yn dechrau llefain.
Er syndod mawr i bawb, maen nhw’n rhoi’r het i’r enwog Julian Cope, sydd yn dal i fod wrthi’n adeiladu cromlech ynghanol yr eglwys.
Ymddengys mai fe fydd y Pab newydd, ynteu. Henffych Julian Pope!