In i Crymych Ffasgaidd Newydd, ma’r Heddlu Cudd ym mhobman — ym mhob un caffi, in i siop cebabs, ac in i siop sy drws nesa i’r garej lle ma nhw’n gwerthu’r peis ‘na sy’n llosgi dy geg.
So shwd ma achub Dewi Sant, sy’n gaeth in labordy Harri Benwyn, i ffasgydd uffernol?
Shwd ma ffindo fe, hyd ‘n wed?
Wel, fel ffasgwyr bach da arferol, dyw heddweision Harri Benwyn ddim yn lot callach na phlanhigion. Sanyn nhw’n enwedig o guddiedig chwaith.
Ma’r cathod in mynd i’r siop cebabs ac ma Jeff in gofyn i heddwas yr Heddlu Cudd ble ma labordy dirgel Harri Benwyn.
— Lan yr hewl, heibo i’r isgol.
— Diolch yn fawr.
— Ond nawr ma rhaid i fi dy ladd di.
— Na wes.
Ar hinny, ma Jeff yn rhoid cledrad iddo fe, dim whare. Ma hi’n crafu’r heddwas mor ddwfwn, ma’n bosib gweld esgyrn i fraich.
Ma fe’n wylo i’w gebab.
— Daf, dere mlân, medd Jeff. — Ma gida ni waith i neud.