Dyma Dewi Sant yn yfed cwrw achos ei fod e wedi derbyn llythyr oddi wrth yr esgob. Mae e’n ei agor e, a rhoi e i’r neilltu. Er mwyn darllen llythyr yr esgob, mae angen rhywbeth cryfach arno fe. Mae e’n arllwys llond gwydraid o wisgi, a chael cegaid. Nawr mae e’n teimlo’n barod.
DEWI,
PAM NA DDEST TI YMA DDOE? YR YDWYF YN GRAC IAWN. MAE RHAID I TI ESBONIO, YN FUAN.
YR ESGOB
Mae Dewi Sant yn meddwl bod yr esgob yn dechrau swnio fel y Prifdaten. Mae e hyd yn oed yn bloeddio yn ei lythyrau e. Mae angen ar Dewi Sant feddwl am esgusodion, yn gyflym iawn. Mae e’n tanio ffag, ac aros am ysbrydoliaeth.
