Mae Daf y gath wedi cael syniad da iawn am ennill bach o arian. Eisteddfod bydd ei menter nesaf – eisteddfod uffern.
Bydd hynny’n ennill digon o arian iddi brynu bag enfawr o Dreamies, bownd o fod.
Mae’r enwog Bryn Terfel a’i efell Owain Glyndŵr yn dychwelyd o’u teithiau a gweld pafiliwn yn cael ei adeiladu yn ogystal â phedwar maes.
– Maes D fydd Maes Diflastod, eglura Daf, – lle bydd llawer o gerddi am bridd. Maes E fydd Maes yr Esgob, lle bydd yr Esgob-Ddiawl yn grwnan ymlaen am oriau i gyfeiliant telyn.
– Beth am Faes C? Ti di gadael hwnna mas, meddai Jeff y gath.
– Maes y Cwstard yw hwnna. Bydd Santes Dwynwen yn gwenwyno pawb gyda’i rysáit newydd.
– Beth yw’r un olaf?
– Maes P. Maes y Procer Poeth.
– Wel, mae hyn yn sicr o fod yn llwyddiant mawr, meddai Jeff heb ddiddordeb.
