Mae Jeff y gath yn hoffi ei beic modur newydd achos ei bod hi’n hoffi mynd yn gyflym iawn. Mae ganddi helmed sbesial â thyllau ar gyfer ei chlustiau.
Ar gyflymder o bedwar deg milltir yr awr, mae ei chynffon yn chwifio o gwmpas y tu ôl iddi hi.
Ar gyflymder o hanner can milltir yr awr, mae hi’n gwibio heibio’r Esgob, sydd ddim yn hapus o gwbl.
Ar gyflymder o chwe deg milltir yr awr, mae hi’n penderfynu mynd ar y draffordd.
Ar gyflymder o gant ac ugain, mae hi’n cael ei thynnu drosodd gan yr heddlu.
– Dyma docyn am oryrru, meddai’r heddwas.
– Diolch yn fawr iawn, meddai Jeff, a gyrru bant ar gyflymder o gant tri deg milltir yr awr, â’i chlustiau’n pipo mas o’i helmed.
Ardderchog