Mae Daf y gath yn teimlo’n wyllt, achos bod y gwanwyn wedi dod.
Mae hi’n rhedeg o gwmpas sied Dewi Sant, lle mae Dewi yn mwynhau ffag a chwrw.
Mae hi’n rhedeg o gwmpas peiriant cwstard Santes Dwynwen, lle mae Dwynwen yn paratoi archeb enfawr ar gyfer yr Esgob.
Mae hi’n rhedeg o gwmpas yr hanner-siarc, sydd yn jyglo â chyllyll.
– Bydd yn ofalus, meddai’r hanner-siarc.
Mae hi’n rhedeg o gwmpas y Frenhines Branwen, sydd yn llefain ar y ddaear. Mae Branwen wedi dinistrio llawer o bethau unwaith eto.
Tra bod Daf yn rhedeg o gwmpas, mae gyda Jeff y gath ymateb callach i ddychwelyd y gwanwyn a’r heulwen. Mae hi off ei phen ar y catnip.
