Un tro, roedd Daf y gath wedi cael syniad am fenter newydd er mwyn ennill bach o arian.
– Jeff, drycha, meddai, yn dangos taflen iddi, – Mae ‘na gystadleuaeth lenyddol eleni. Rhaid i ni gyd sgwennu rhywbeth. Hanner can punt a blwch o greision ŷd yw’r wobr.
Rholiodd Jeff ei llygaid.
– So fi’n hoffi creision ŷd. Dw i’n hoffi bacwn.
A bant â hi.
Penderfynodd Daf gasglu pawb at ei gilydd er mwyn datgan ei chyfarwyddiadau. “Y Gystadleuaeth Lenyddol” oedd y thema. Beth allai fynd o’i le?
