Pan gyrraeddodd Jeff y gath ei chyfweliad am ddod yn weithredydd peiriant cwstard, sylweddolodd bod rhywbeth o’i le. Roedd Santes Dwynwen yn eistedd tu ôl i fwrdd gerllaw sied Dewi Sant ynghyd â Keith y gwrden, Draig y ci, a Mistar Penglog. Ar y bwrdd oedd hefyd darn o bren.
– Ymddiheuriadau, meddai Santes Dwynwen.
– Ymddiheuriadau? gofynnodd Jeff. – Pam?
– O’n i wedi paratoi blwch cardbord i chi ddangos eich sgiliau yn ei droi e’n beiriant cwstard, ond cyn gynted â’r ymgeisydd arall weld y peth, nath e neidio i mewn iddo fe a’i yrru bant.
Rowliodd Jeff ei llygaid.
– Daf, meddai hi, gydag ochenaid.
– Helo, meddai’r darn o bren yn ddihuno. – Darn o bren dw i.
