Math Newydd o Danwydd - Mentrau Daf y Gath

Oherwydd y prinder tanwydd, roedd cymaint o bethau yn aros am gael eu dosbarthu. Roedd hyn yn dod yn broblem go iawn.

Siaradodd Daf y gath â’r Archfadarch.
– Alli di’n helpu fi? meddai Daf. – Dw i angen rhyw fath o gerbyd sy’ ddim yn defnyddio petrol.
– Wrth gwrs, meddai’r Archfadarch. – Arhosa fan hyn.

A dyma’r Archfadarch yn casglu’r madarch at ei gilydd, cyn perfformio defod go ddirgel gyda moronen. Ymddangosodd cerbyd pren od, â chwe olwyn, gyda ymbarèl yn lle tô.

– Beth yw hwnna? gofynnodd Daf.
– Dw i ddim yn siŵr, atebodd yr Archfadarch, – ond gobeithio bydd e’n gwneud y tro.
– Shwd wyt ti’n danio fe?
– Gadewch i ni ddarllen y canllawiau.

Ymestynnodd yr Archfardarch am bamffled cyfleus a oedd ar y sedd ffrynt.
– O na.
– Be’ sy’? gofynnodd Daf.
– Mae e’n rhedeg ar gwstard.
– Sdim cwstard i gael.

Cadarnhaodd Santes Dwynen nad oedd cwstard i gael.

Hedfanodd clêr i fewn i geg yr Archfadarch. Poerodd e allan, a rhodd syniad iddo. Arweiniodd defod arall, gyda dau moron a choronig y tro hwn. Ymddangosodd cerbyd hollol anferth, â arfwisg a thrac lindys. Unwaith eto, roedd yna bamffled ar y sedd ffrynt.

– Dyma ni, meddai’r Archfadarch.
– Beth yw e’n rhedeg arni?
– Cerbydau sy’n rhedeg ar gwstard.
– Am gyfleus.

Llwythasant y cerbyd cyntaf i fewn i’r llall, taniodd yr injan, a bant â nhw i wneud dosbarthiadau.

Saesneg / English

Saesneg / English

A New Kind of Fuel

Due to the fuel shortage, so many things were waiting to be delivered. This was becoming a real problem.

Dave the cat spoke with the Arch-mushroom.
– Can you help me? said Daf. – I need some sort of vehicle that doesn’t use petrol.
– Of course, said the Arch-mushroom. – Wait over here.

The Arch-mushroom gathered the other mushrooms together, before performing quite a mysterious ritual with a carrot. There appeared a weird wooden vehicle with six wheels and an umbrella instead of a roof.

– What’s that? asked Dave.
– I’m not sure, answered the Arch-mushroom, – but hopefully it’ll do.
– How do you start it?
– Let’s read the instructions.

The Arch-mushroom reached for a convenient pamphlet that was on the front seat.
– O no.
– What’s up? asked Dave.
– It runs on custard.
– And there’s no custard to be had.

Saint Dwynwen confirmed that there was no custard available.

A fly flew into the Arch-mushroom’s mouth. He spat it out, which gave him an idea. He led another ritual, with two carrots and a tiara this time. There appeared an absolutely enormous vehicle, with armour and a caterpillar track. Once again, there was a pamphlet on the front seat.

– There we go, said the Arch-mushroom.
– What does it run on?
– Vehicles that run on custard.
– How convenient.

They loaded the first vehicle into the other, started the engine, and off they went to make deliveries.